[gelöst] Erbitte Lesehilfe: Testament von 1535, Teil 6

[consanguineus]

Quelle bzw. Art des Textes: Testament
Jahr, aus dem der Text stammt: 1535
Ort und Gegend der Text-Herkunft: Braunschweig

Hallo zusammen!

Hier nun der letzte Teil des Testaments:


de schalme ohme laten folgen Und den jennen de my noch schuldig
sin so de des begeren geve eck ... tor erhe? goddes queidt? Und schal
her myt myn leste wylle sin besloten Und to Orkunde hebbe ek
duth myn Testament dorch des Erbarn Rades Secretar Johan
kock laten ... ... myt mynen marcke vorsegelen Geschehen
des Donnersdages na Letare Im 15 35 Jare


An dieser Stelle ein herzliches Dankeschön an alle diejenigen, die mit Rat und Tat geholfen haben, dieses Dokument zu enträtseln!

Viele Grüße
consanguineus

[Alter Mansfelder]

Hallo consanguineus,

ich lese:

de schalme ohme laten folgen. Vnd den Jennen de my noch schuldich
sin: ßo de des begern: geue ick one: tor erhe goddes qwidt. Vnd schal
hir myt, myn leste wylle sin bescloten Vnd to Orkunde hebbe ick
duth myn Testament dorch des Erbar(en) Rades Secreter(ien) Johan
kock laten scr(iuen) vn(de) myt mynem marcke vorsegelt Geschein
des Donnerdages na Letare Jm xvC xxxv Jare.

Das "c" nach der "xv" für 1500 bekomme ich leider nicht hochgestellt, wie es eigentlich sein müsste.

Es grüßt der Alte Mansfelder

[consanguineus]

Hallo Alter Mansfelder!

Das "c" sei Dir verziehen. Deine Hilfe beim Übersetzen macht das tiefe "c" tausendmal wett!

Viele Grüße
consanguineus

[consanguineus]

Anno domini (etc) Jm xvC xxxv: Jare

Jn dem nhamen goddes Amen(.) Jck Tyle Botil burger tho Brunsw(ick)
hebbe wol bedacht dat wy alle sterfflick vnd der stunde des
dodes vngewyß sin, Derhaluen hebbe ick by volmacht myner
synne duth myn Testament vn(de) lesten wyllen laten bescryuen
alß ick dat: na mynem dode gerne wolde gehalden hebb(e)n
Keise vnd erwele tho Vormu(n)der(en) de Ersamen Alheide
myne ehelick(e) husfrow(en) Hans Mygen Burg(er)mester(n) Hanse

Buschma(nn) Camerer vnd Direck prutzen vnd bydde se v(m)me goddes
wyllen dat ße duth myn Testament vn(de) lesten wyllen vorheg(en)
vn(de) fullenbring(en) wyllen: Jn maten ick one wol togetrwe. Vnd
anfenglick wen ick na dem wyllen des Almechtig(en) werde vor
steruen Denne vnd itzunder ock alle tydt beuele ick dem Al=
mechtig(en) myne Zele in den Vordeinst vnses erlosers Jesu chri(sti)
der gnedich vnd barmhartich sin wylle: Vn(de) den lychena(m) cristli
cher begrafft(.) Vnd geue tom ersten x: guld(en) mu(n)te to weg(en) vn(de)
stegen hir vor der stadt: wor das am meisten van noden Vnd
vertich gulden mu(n)te in de kesten der armen: alhir to sunte Magnus
Vnd myner suster dochter Margreten: begeuen closter Junckfrow(en)
tho sunte Agneten vor Magdeborch: geue ick tho orem lyue alle Jarlix
vp s(unte) Michels dagh(e) veir guld(en) mu(n)the lyfgedinges: de or Jerlix de tydt
ores leuend(en) vth myne(n) redest(en) nagelat(en) gudern schullen werden gegeue(n)(,)
Wan ße auer dodeshaluen ys vorstoruen: alßdan schullen dusse
veir guld(en) lyfrente ock doidt sin und nichtmer gegeuen werd(en).
Vnd hir myt schal se: va(n) alle myne(m) nagelat(en) gude genslick afge

scheden sin vnd blyuen Jtem Annen myner maget geue
ick ½ m(a)r(k) tinses alß ick de: van myne(m) sone Hanß Botil zelige
an my gebrocht hebbe: de ße mach yarlix vpborn: ßo lange Di
reck prutze edder syne husfrowe(n) vn(de) or(er) eruen de myt xx g(u)ld(en)
wedderte sick losen Vnd wan de Houetsu(m)ma afgeloseth worde:
Dann scholde Anna .vorgemelt: den entfangen vn(de) dar mede
erflick to handelnde: macht hebben. Vnd hirann schal or: or(er)
vordeinde lohn gekortit vn(de) afgetogen werden. Men schal
ock Direck Prutzen folgen laten einen vorsegeld(en) breiff des
Rades tho Brunswigk, holdende vp Hundert guld(en) vnd jar
liche tinse: so myne(m) ohme Hennige Peinen togesin ((?)) steidt
Vnd gnant(er) Direcke van gnant(em) He(n)nige Peinen berede Jn
synem Testament bescheden vnd gegeuen ys: Jt(em) Alheiden
myner eligen Husfrowen: geue ick Hues vn(de) hoff und alle

myn gudt bewechlick vnd unbewechlick nichts dar va(n)
buten bescheden Dat se des erflicken: na alle orem ge=
falle: mach gebruken Jdoch geue ick na orem dode
½ m(a)r(k) geld(es) yarlickes tinses myt dem Houetsu(m)men
gnant(em) Burgermester Hanse Mygen erflick tobe=
sittende, alß ick de hebbe an der Tru(m)permekersch(en)
huse vor der langenbrugge Vnd na der gnant(en) myn(er)
husfrowe dode: geue ick dem gemelt(en) Camerer Hanse
buschma(n)ne ½ marck geld(es) myt dem Houetsu(m)men
an Frederick frederickes huse: by sunte Magnus berethe:
Vnd na myner Husfrowen dode: geue ick myne(n) vad
dere(n) Hennigk Euerd(en) sohnen: eine halue m(a)r(k) geld(es) myt
dem Houetsu(m)men, an Harmen Schapers huse, in der fre
sen strat(en) Jt(em) geue ick eine m(a)r(k) geld(es) yarlich(en) tinses
myt dem Houetsu(m)men so ick hebbe: an Hinrick Hasen
balges huse van der spittals brugge Joist Hasenbalges
sohne mynen vaddere na myner husfrowen dode

erflick togebrukende. Vnd hir mede schullen myne vad
deren vorg(enan)nt van alle myne(m) nagelat(en) gude: gesched(en)
wesen(.) Wo ock Jemand van den vorge(nannten) duth my(n) test(ame)nt
byspraken edder anfechten worde: Den schullen myne
Testamentar(ien) nichts geuen Sunder sick myt dussen
gyften Jeg(en) den edder de tho rechte vphold(en) Vnd so ick
dodeshaluen verfallen schal gna(n)nt(e) myn husfrowe
orer suster der Humprechtschen x: guld(en) mu(n)the
tho einer fru(n)tlicken Vorerunge: myner dar by toge
denckende geuen vnd toker(e)n Jck weidt ock ney=
mand(en) dem ick schuldich bin: Allene hebbe ick by my,
11 ½ guld(en) mu(n)te, de Hinrick Ebberdes to Tyde gehor(e)n
vnd tokomen, de ick rede afgetelt vn(de) dar by geset(en) hebbe

de schalme ohme laten folgen. Vnd den Jennen de my noch schuldich
sin: ßo de des begern: geue ick one: tor erhe goddes qwidt. Vnd schal
hir myt, myn leste wylle sin bescloten Vnd to Orkunde hebbe ick
duth myn Testament dorch des Erbar(en) Rades Secreter(ien) Johan
kock laten scr(iuen) vn(de) myt mynem marcke vorsegelt Geschein
des Donnerdages na Letare Jm xvC xxxv Jare.

[consanguineus]

Hallo zusammen!

Hier noch einmal der Text des Testaments zusammengefasst, falls jemand sich für solche, wie ich finde, sehr interessanten Dokumente interessiert.

Mein Dank geht an Malte, den Alten Mansfelder und Xylander, die mir sehr geholfen haben!

Viele Grüße
consanguineus